धौलागिरी अनलाइन २०८१ जेष्ठ ३ पोखरा गुल्मी जाँदै गरेको बस दुर्घटनामा परेको छ । आज दिउसो करिब ३ः३० बजे गुल्मीको रुरुक्षेत्र गाउँपालिका वडा नं. १ मक्वादीमा लु१ख १८७५ नम्बरको बस दुर्घटना भएको बताइएको छ ।
बसर सडकबाट एक सय ५० मिटर तल खसेर टुक्राटुक्रा भएको जिल्ला प्रहरी कार्यालय गुल्मीका सूचना अधिकारी डीएसपी शंकर पोखरेलले जानकारी दिए ।
दुर्घटनामा १२ जना यात्रु घाइते भएको र उनीहरुको रिढी प्राथमिक केन्द्रमा उपचार भइरहेको डीएसपी पोखरेलले जानकारी दिए ।
घाइतेमध्ये दुई जनाको अवस्था गम्भीर छ । घाइतेको परिचय खुल्न बाँकी छ । दुर्घटनाको कारण खुल्न नसकेको र अनुसन्धान भइरहेको उनले बताए । रासस
