धौलागिरी अनलाइन – बागलुङको गलकोट भुङ्खानी भन्ने स्थानमा पिकअप जिप दुर्घटना हुदा ३ जनाको मृत्यु भएको छ । भने एक जना घाईते भएका छन । गलकोट नगरपालिका–२ भुङ्खानीमा रा १ ज २०० नम्बर को पिकअप जिप दुर्घटना भएर दुई महिला र एक पुरुषको मृत्यु भएको हो भने एक जना घाइते भएका छन् ।
दुर्घटना मा परि मृत्युु र घाइते हुने कसैको पनि पहिचान नखुलेको जिल्ला प्रहरी कार्यालय बागलुङका प्रहरी निरीक्षक प्रताप पौडेलले जानकारी दिए । घाइतेलाई धौलागिरी अस्पताल बागलुङमा पठाइएको छ । पिकअप जिप मध्यपहाडी लोकमार्गदेखि करिब ३०० मिटर तल खसेको बताईएको छ । घटनाको थप विवरण आउन बाँकी रहेको प्रहरीले जनाएको छ ।
